Pavlovakake utan sukker

Ei av mine desiderte kakefavorittar er pavlovakake. Kombinasjonen med marengs, krem og bær er heilt fenomenal etter mi meining.

Pavlova kake

Dessutan er dette ei kake som ein lett kan redusere på både sukker og feitt. Ja, ein kan faktisk rett og slett nesten gjere den til ei kake som kan nytast kvar dag :)

Hovudingrediens i marengs er jo riktig nok sukker, det kjem ein ikkje vekk ifrå. Det går ikkje an å bytte ut sukker med natreen eller anna søtstoff, det har eg nemmeleg testa ut. Resultatet blir av mjuk og seig konsistens.

Det som derimot fungerar omtrent like bra som vanleg sukker er sukrin, ein naturleg sukkererstatning. Riktignok så vert det noko anna konsistens her og, men det er ikkje mykje.

Oppskrift:

Marengsbunn

6 eggekvitar
4dl sukrin
2ts maizenna
1ts vaniljesukker
2ts kvitvinseddik

Sett ovnen på 100 grader
Pisk eggekvitane stive.
Bland det tørre saman, helle dette i eggekvita litt etter litt medan du piskar.
Hell oppi kvitvinseddik til slutt.
Legg bakepapir på eit steikebrett, smør røra på bakepapiret med ein tjukkelse på ca 4cm.  (Dersom du vil lage ei rund kake så legg ei rund kakeform over bakepapiret og teiknar rundt. Deretter smørjast marengsen innanfor denne sirkelen.

Steik i ca 2 timar (marengsbunn med sukrin treng dobbelt så lang steiketid som vanleg marengs)

Fyll:

2 fløyteputtar med ekstra lett tine kremfløyte
sukrin etter smak
litt vaniljesukker
2 posar skogsbær

  Pisk krem av fløyten, tilsett søtning, smør over avkjølt marengsbunn. Strø deretter over ønska mengd med skogsbær. Eg har ikkje brukt vaniljekrem til fyll i denne varianten. Det er enkelt og greit fordi eg er meir glad i vanleg krem.

NB!
Eg prøvde å fryse ned delar av kaka sidan me ikkje greide å ete opp halvparten eingang, men kremen vert ikkje særleg god etter nedfrysning. Marengsen derimot var omtrent like god som då den var nysteikt.

Håpar de likar denne pavlova-versjonen :)

Hovedvekt på sunn og kalorifattig mat, og dessertar utan tilsatt sukker

Då var bloggen oppretta, og det er berre å sette i gang.

Grunnlaget for at eg har valgt å opprette denne bloggsida er mi interesse for å lage sunn mat og ein ellers sunn livsstil. I tillegg til det så går eg på lærarhøgskulen med norsk som eit av hovedfaga, og treng derfor mykje skrivetrening. Så då kom eg fram til at å opprette ein blogg kunne vere nettopp den skrivetreninga eg treng.

Eg er som sagt glad i å lage sunn mat. Med sunn mat meiner eg mat som er både god, i tillegg til at den inneheld eit svært begrensa innhald av usunne kaloriar (metta feitt og sukker). Ellers er eg opptatt av å begrense mengda av karbohydrat i det meste av maten eg lagar, der eg stort sett brukar kun dei typar karbohydrat som kjem frå grønnsaker.

Dei fleste vil nok tenke at dette er ein typisk lavkarbo-diett, men det er det ikkje. Dette er ein livsstil der poenget er å ha eit sunt kosthold ved å begrense mengda med det som ikkje er særleg sunt, og i staden få i seg det som er sunt for kroppen. Kroppen treng litt av det meste, men det er ikkje dermed sagt at den må ha lik mengd av alt.

Dessutan skal det vere nevnt at eg etter å ha forandra på kostholdet mitt, for første gang i livet har opplevd å gå eit heilt år utan å kjenne antydning til å vere sjuk. Eg er overbevist om at dette har mykje med kostholdet mitt å gjere sidan eit høgt inntak med grønnsaker av alle slag, forsyner kroppen med mange vitaminer og mineralar som den treng for å styrke immunforsvaret, og dermed verte bedre rusta mot sjukdommar.

No har eg ikkje oppretta denne bloggen for å utrrykkje mine meiningar og haldingar om kosthold generellt. Heller ikkje er planen å drive med forsking om kva som er bra og ikkje. Det derimot vil er å publisere forskjellige matrettar som har eit minimumsinnhald av metta feitt, og dessertar som ikkje inneheld sukker, men er laga av naturlege sukkererstatningar i tillegg til søtningsstoff. Ein kombinasjon av dei naturlege søtningserstatningane og søtningsstoffa er noko eg likar å bruke.

Som sagt likar eg å ete mest av dei karbohydrata som kjem frå grønnsaker. Dette betyr at eg et lite brødmat. Det har ein så logisk forklaring som at magen min tåler begrensa inntak av mjøl. Dette har eg testa over lang tid, og magen min fungerar kun på normalt vis dersom den får lite mat som inneheld mjøl.

Derfor hentar eg karbohydrata får andre kjelder i staden, noko som fungerar svært bra sidan eg er utruleg glad i alt av grønnsaker. Eg har testa ut fleire typar heimelaga knekkebrød, og funne ein variant som er heilt fantastisk god, og det er hovudsakleg den som erstattar brødmaten for meg.

Forøvrig så håpar eg at de får lyst til å teste ut nokon av oppskriftene som eg legg ut, og at dei fell i smak :)